💁🏻♀️ 早餐分享～ 🧅 洋蔥义燒批
事源昨晚食剩三粒义燒，比着以前可能唔會留，但今時今日有食物真係唔好嘥，所以留來做早餐 😙（义燒汁都要留）
因為叉燒太少所以要切細粒，精粹要落鑊炒香洋蔥粒➡️义燒粒➡️义燒汁兜勻，然後放涼備用。
酥皮一片從冰格取出，解凍約3分鐘後平均切為6小塊，在其中3塊上放上叉燒粒粒然後把其餘酥皮蓋上，用叉子壓下封邊及在批的表面吉5下用來排氣。最後，在批的表面塗上蛋漿便可放入預熱的焗爐先用180度焗15分鐘，然後調高200度再焗多2分鐘至金黃色便完成！
呢個早餐唔難做，餡料濕濕地啲汁好香，大家更可發揮創意，更改餡料變為蘿蔔絲酥餅、咖喱角等等
Timmy 👩🏻🍳
Search